Академик А.А.Бөрүбаев атындагы АГТж/аЖМО кафедрасынын башчысы, ф.м.и.д., профессор Б.Э.Канетов Грециянын Нафпактос шаарында өткөн “Topology and its Applications - 2023” аталышындагы эл аралык маанилүү илимий конференциянын ишине катышып келди. Конференцияда ал “Uniform Selection Principles and its Applications” деген темада баяндама жасап, бир топ кызыгууну жаратты. Баяндаманы конференциянын төрагасы, дүйнөгө белгилүү математик С.Илиадис өзү угуп, аягында профессор Б.Э.Канетовго ийгилик каалады жана баяндаманы Web of Science  жана Scopus базаларында индекстелген “Topology and its Applications” журналына чыгарууга сунуштады.

Конференциянын ишине элүүдөн ашуун өлкөдөн математиктер катышып, баш аягы 130дай баяндамалар жасалды.

Конференциянын жүрүшүндө проф. Б.Э.Канетов Ж.Баласагын атындагы КУУ, анын ичинде аталган кафедра менен дүйнөнүн башка жогорку окуу жайлары менен ар тараптуу илимий кызматташууну, мугалимдердин жана студенттердин мобилдүүлүгү, Web of Science, Scopus базаларында индекстелген, импакт фактору бар, жакшы квартилге ээ болгон ( Q1, Q2,  Q3) журналдарга макаланы жарыялоо боюнча бир топ иш аракеттерди жүргүзүүгө аракет кылды.

КУУнун профессору о.э. Япониянын Шиман университетинин президенти Я.Хаттори менен аталган кафедранын ортосунда илимий кызматташуу боюнча меморандум түзгөнгө жетишти;

Сербиянын Нищ университетинин профессору Л.Кочинац менен сүйлөшүп, аталган кафедранын окумуштуулары тарабынан жазылган илимий монографияны Сербиянын университетинде чыгаруу мүмкүнчүлүгүнө жетишилди;

Россиянын Илимдер академиясынын Урал бөлүмүнүн алгебра жана топология секторунун жетекчиси, ф.м.и.д А.Осипов менен аталган кафедранын ортосунда илимий кызматташуусу макулдашылды;

М.Улугбек ат. Өзбек Республикасынын улуттук университетинин геометрия жана топология кафедрасы менен ар тараптуу кызматташуу боюнча кафедранын проф. Р. Бешимов менен сүйлөшүлдү жана проф. Р. Бешимов проф. Б. Канетовго М. Улугбек ат. Өзбек Республикасынын улуттук университетинин ректорунун топология курсу боюнча дарстарды окуп кетүү боюнча чыгарган буйругун тапшырды жана Ж. Баласагын атындагы КУУ жана М. Ломоносова атындагы ММУ менен биргеликте жакын аралыкта математика боюнча илимий конференцияны өткөрүү боюнча пландар түзүлдү;

Азербайжан Республикасынын проф. С. Байрамов менен дагын макулдашылып конкреттүү чечимдер кабыл алынып Азербайжан илимдер академиясынан чыкчу Web of Science, Scopusта индекстелген импакт факторлору 0,26 жана 0,35 квартилдери Q3 болгон журналдарга макалаларды чыгаруу мүмкүнчүлүктөрү пайда болду;

Андан сырткары проф. А. Хохти (Австрия) менен бир калыптуу паракомпактуу мейкиндиктердин, проф. Л. Кочинац (Сербия) менен бир калыптуу тандоо принциптеринин, проф. Ж. Гунтер (Германия) менен функционалдык мейкиндиктердеги бир калыптуулуктардын, акад. А. Шостак (Латвия) менен так эмес бир калыптуу топологиянын, проф. С. Байрамов (Азербайжан) менен софт топологиянын, проф. А. Осипов (Россия) менен үзгүлтүксүз чагылдыруулар мейкиндигиндеги тандоо принциптеринин, А. Островский (Германия) менен жогорку математиканын, проф. С.-Е. Хан (Түштүк Корея) менен топологиянын колдонулуштарынын  айрым чечилбей келген көйгөйлөрүн белгилешти.

Бактияр Рахманкулов – тарбия иштери боюча декандын орун басары, ф.м.и.к., доцент