2023-жылдын 3-июль күнү КУУнун ректору Төлөбек Абдырахманов экономиканын жогорку мектеби, менеджмент жана бизнес, педагогикалык кадрларды максаттуу даярдоо интитуттарынын, о.э. мамлекеттик жана муниципалдык башкаруу факультетинин жамааты менен жолугушуп, аталган түзүмдөрдүн кадрдык камсыздоосу, дарсканалары менен лабораториялары, компьютердик класстары, студенттер менен окутуучуларынын саны жана алардын академиялык мобилдүүлүгү, биргелешкен окуу программалары, жаӊы багыттардын ачылуусу, бүтүрүүүчүлөрдүн жумушка орношуусу, түзүм окумуштууларынын илимий эмгектеринин соңку 5 жылда Scopus жана Web of Science базаларында индекстелген журналдарда жарыяланышы, Хирш индекси, эл аралык байланыштары, гранттарды утуп алышы, илимий проекттерге, консорциумдарга жана ассоциацияларга катышуусу боюнча атайын комиссия тарабынан даярдалган маалымат менен тааныштырды жана жетишкендиктери менен кемчиликтерин белгиледи. Сөзүнүн соңунда  - Жайкы каникулда жакшы эс алып, жаңы окуу жылына жаңы идеялар менен келиңиздер. Эӊ башкысы – кыймылга келип, аракет кылыш керек, - деп сөзүн жыйынтыктады ректор Төлөбек Абдырахманов.

Жыйынга окуу иштери боюнча проректор Эрлан Базарбаев, инвестициялар боюнча проректор Гүлбара Сыдыкова, административдик-чарба иштери боюнча проректор Бакытбек Айтахунов, илимий иштер боюнча проректор  Назаркул Ишекеев, инновациялар, санариптештиүү жана стратегиялык өнүктүрүү боюнча проректор Ирина Дмитриенко, пландоо-каржы бөлүмүнүн башчысы Гүлназ Мысакулова жана түзүм жетекчилери катышты.

Экономиканын жогорку мектеби

Менеджмент жана бизнес институту

Педагогикалык кадрларды максаттуу даярдоо интитуту

Мамлекеттик жана муниципалдык башкаруу факультети