Кыргыз филологиясы факультетинин 1-курс студенти Айпери Акылбек кызы Чыныбай Турсунбеков атындагы фонд уюштурган «Мен дүйнөгө баланын көзү менен карайм» аттуу жалпы республикалык эссе жазуу сынагына катышып, жарым финалга чыкты. Ал эми 2-курс студенти Айзат Кудайберди кызы аталган фонд жарыялаган республика боюнча поэзия сынагыны катышып, финалдык бөлүгүнө өттү. Эссе жазуу сынагына өлкөнүн ар бир булуң бурчунан 14 жаштан 20 жашка чейинки 111 адам катышып, алардын арасынан 6 финалист тандалды. Быйылкы сынактын өзгөчөлүгү - 6 финалисттен тышкары 31 жарым финалист да аныкталды.

Жарым финалисттер “Жылдыздуу жээк – 2023” поэзия фестивалына кадырлуу конок катары чакырылышты. Финалдык бөлүк 2023-жылдын 29-июнь - 2-июль күндөрү керметтүү Ысык-Көл жээгиндеги “Акун Ысык-Көл” пансионатында боло турган «Жылдыздуу жээк – 2023» поэзия фестивалынын алкагында өтүп жатат.

Республикалык поэзия сынагына өлкөнүн бардык аймактарынан, чет өлкөдөгү мекендештерден, чыгармачыл ийримдердин өкүлдөрүнөн 18 жаштан 45 жашка чейинки калемгер, акындар катышты.

А.Солтоноев – тарбия иштери боюнча декандын орун басары