2023-жылдын 8-июнунда Тарых жана чөлкөм таануу институтунун чөлкөм таануу жана кыргыз таануу кафедрасы Алтай мамлекеттик университетинин "Кең Алтай" алтай таануу жана түркология илимий билим берүү борбору менен биргеликте уюштурулган «Евразиядагы орто кылымдардагы саясий, социалдык-экономикалык жана этномаданий жүрүмдөр» аттуу эл аралык илимий конференция болуп өттү. Аталган эл аралык илимий конференцияга катышууга 5 мамлекеттен, Орусиядан -13, Казакстандан -11, Түркиядан -3, Тажикстандан -2, Өзбекстан – 3 жана Кыргызстандан -35, бардыгы 67 окумуштуу изилдөөчүлөр катышышты. Конференциянын алкагында 4 секция иштеди, ар бир секцияда 14 илимий докладдар окулуп талкууланды. Ошондой эле 1 симпозиум, 2 тегерек стол өткөрүлдү.

Эл аралык илимий конференциянын расмий ачылышын Ж. Баласагын атындагы КУУнун ректору, Кыргыз Республикасынын УИАнын мүчөкорреспонденти, т.и.д., профессор Абдырахманов Төлөбек Абылович ачып, куттуктоо сөзүн Алтай мамлекеттик университетинин президенти, ю.и.д., профессор Землюков Сергей Валентиновичке, Кыргыз Республикасынын УИАнын академиги, Кыргыз Республикасынын Президентинин Аппаратына караштуу Кыргызстан элинин тарыхый жана маданий мурастарынын “Мурас” фондунун төрагасы, т.и.к., профессор Молдокасымов Кыяс Сатаровичке жана КР УИАнын Тарых, археология жана этнология институтунун директору, т.и.д., профессор Асанканов Абылабек Асанкановичке берилди. Ошондой эле, видео аркылуу онлайн түрүндө Түрк маданияты эл аралык уюмунун (ТҮРКСОЙ) Башкы катчысы, Кыргыз эл жазуучусу Султан Раев, Казакстан Республикасынын УИАнын корреспондент-мүчөсү, УИА президиумунун мүчөсү, Казакстан Республикасынын УИАнын Ч.Ч.Валиханов атындагы Тарых жана этнология институтунун директору, т.и.д., профессор Кабулдинов Зиябек Ермуханович жана Татарстан Республикасынын Илимдер академиясынын вицепрезиденти, академик, профессор Загидуллина Дания Фатиховналар куттукташты.

Илимий конференциянын жүрүшүндө Ж.Баласагын атындагы КУУнун Чөлкөм таануу жана кыргыз таануу кафедрасынын алкагында "Кең Алтай" алтаистика жана түрк таануу илимий-билим берүү борборунун өкүлчүлүгүнүн салтанаттуу ачылышы тууралуу макулдашууга кол коюулуп, борборду Ж. Баласагын атындагы КУУнун ректору Т.А. Абдырахманов жана Алтай мамлекеттик университетинин президенти С.В. Землюков ачып, салтанаттуу ачылыш улуттук ыр, күү жана бий менен коштолду.

Ошондой эле, илимий конференциянын алкагында Кыргыз Республикасынын Президентинин Аппаратына караштуу Кыргызстан элинин тарыхый жана маданий мурастарынын “Мурас” коомдук фондунун төрагасы, кыргыз тарыхчысы, тарых илимдеринин кандидаты, профессор Кыяс Сатар уулу Молдокасымовдун 60 жылдыгына арналган «Борбор Азия өлкөлөрүндө архивдик жана булак таанууну өнүктүрүүнүн тарыхый, методологиялык жана башка өңүттөрү» аттуу эл аралык симпозиум жана симпозиумга удаалаш Кыргыз Республикасынын билим жана илим министрлигинин проектисинин алкагындагы «Кыргызстан жана ШКУ: Борбордук Азия чөлкөмүндөгү коопсуздук маселелери контекстинде өз ара аракеттенүүнүн учурдагы тенденциялары» аттуу кереге кеңеш уюштурулду.

Аталган илимий эл аралык конференция пленардык отурум жана 4 багыттагы секциалык жыйындар менен улантылды.

1-СЕКЦИЯ: «Орто кылымдардагы жана жаңы доордогу Евразиядагы түрк мамлекеттеринин тарыхы», модераторлор: КТМУнун профессору М.Ч. Кожобеков, т.и.д., АлтМУнун профессору П.К. Дашковский.

2-СЕКЦИЯ: «Орто кылымдардагы Евразиядагы этносаясий жүрүмдөрдүн методологиясы жана тарыхый булактары», модераторлор: т.и.д., Ж.Баласагын атындагы КУУнун профессору А.Р. Бикбулатова, т.и.д., Чирчик мамлекеттик педагогикалык университетинин профессору Н.А. Назаров,

3-СЕКЦИЯ: “Евразиядагы түрк элдеринин тарыхындагы Улуу Жибек жолунун ролу”, модераторлор: т.и.к., Ж.Баласагын атындагы КУУнун доценти Т.И. Асанов, т.и.к., К.Ш.Токтомаматова атындагы Эл аралык университетинин профессору Ж.А. Дүйшеев.

4-СЕКЦИЯ: «Евразиядагы түрк элдеринин маданияты жана алардын орто кылымдардагы тарыхый коңшулары жана алардын өз ара таасири», модераторлор: т.и.д., Ж.Баласагын атындагы КУУнун профессору О.К. Каратаев жана т.и.д., АлтМУнун профессору А.А. Тишкин.

Илимий конференция 10-июнда Ысык-Көл облусундагы Курманжан Датка атындагы Көчмөндөр цивилизациясы борбору улантылды. 10:00-15:00 чейин “Орто кылымдардагы түрк мамлекеттеринин тарыхындагы диний ишенимдер, культтар, ислам жана башка дүйнөлүк диндер” атуу темадагы кереге кеңеш жана талкуу аянтчасы болуп өтүп, андан соң конференция жыйынтыкталды.

Шаршенбек кызы Айпери - чөлкөм таануу жана кыргыз таануу кафедрасынын ага окутуучусу 

(Автордун стилистикасы менен грамматикасы сакталды)