Чоң жыйындар залындагы иш-чараны экоактивист Исмаил Карыпов ачкандан кийин, Ысык-Көлдүн түбүндөгү таштандылар менен күрөшүү тууралуу "Защитники природы" деп аталган документалдык тасма көрсөтүлдү. 

КУУнун илимий иштери боюнча проректор Назаркул Ишекеев, Кыргыз Республикасынын Жаратылыш ресурстары, экология жанан техникалык көзөмөл министри Мелис Тургунбаев, БУУнун Кыргызстандагы Туруктуу координатору Антье Граве айым жыйындын катышуучуларын куттуктаган соң, Жаратылыш ресурстары, экология жанан техникалык көзөмөл министри Мелис Тургунбаев "Климаттын өзгөрүүсүнө каршы иш-аракеттер, жаш балдар жана жаштар боюнча декларацияга" кол койду. 

«Адам» аттуу кыска театралдык аткаруусунан кийин желим баштыктарды, идиштерди жана башка колдонулчу товарлардан баш тартуу боюнча жаштар чыгып сүйлөштү.

Чоң жыйындар залындагы иш-чара аяктаган соң, Жусуп Баласагындын эстелигинин алдындагы арт-инсталляциянын ачылышы, жашыл экономика үчүн студенттер союзунун флешмобу, ар түрдүү викторина, конкурстар, пластикти сорттоо, пластикти кайра иштетүү, жаратылышка пайда келтирчү идеялар боюнча мастер-класстар, дигитал сүрөтчүлөрдүн өздөрүнүн эмгектери жөнүндө айтып берүүсү ж.б.у.с. көптөгөн иш-чаралар өткөрүлдү.

Иш-чара БУУнун агенттиктери, Жаратылыш, экология жана техникалык көзөмөл министрлиги, Кыргыз улуттук университети тарабынан уюштурулду.