2023-жылдын 9-майында Тарых жана чөлкөм таануу институтунун директору Туратбек Сырдыбаев Улуу Ата Мекендик согуш учурундагы күжүрмөн эмгектин каарманы, Азия жана Африка өлкөлөрүнүн тарыхы кафедрасынын мурдагы профессору Сатар Узбековдун үйүнө барып, ардагер агайдын ал-ахвалын сурап, Улуу Жеңиштин 78 жылдыгы менен куттуктады. 96 жаштагы агай институттун учурдагы абалы жана алдыга койгон иш-пландары менен таанышып, Университеттеги үзүрлүү эмгек жылдарын жакшы маанай, жакшы элестер менен эстеп, эң башкысы - элибиздин тынчтыгы, мамлекеттеги сталбилдүүлүк экенин айтып, КУУнун жалпы жамаатына ийгилик, эсенчилик каалап, ыраазычылык билдирди. Сатар Узбековичге чың ден-соолук каалап, терең ыраазычылык билдиребиз!

Сатар Узбеков тууралуу кыскача маалымат

• Иштеген жери: КМУнун КПССтин тарыхы кафедрасынын доценти (1957-1985), КМУнун тарыхты окутуунун методикасы жана коом таануу кафедрасынын башчысы (1986-1994), факультеттер аралык тарых кафедрасынын башчысы (1994-1996), Азия жана Африка өл- көлөрүнүн тарыхы кафедрасынын доценти (1996-2006), Азия жана Африка өлкөлөрүнүн тарыхы ка- федрасынын профессору (2006- 2013).

• Сыйлыктары: «Улуу Ата Мекендик согуштагы күжүрмөн эмгектик каармандыгы үчүн» медалы (1947) «Ардак белгиси» ордени, «Эмгектеги артыкчылыгы үчүн» медалы, КР Билим берүүсүнө эмгек сиңирген ишмер (1999).

• 30 дан ашык илимий жана окуу-методикалык эмгектердин автору.

Шейшенов А.Т. - Азия жана Африка өлкөлөрүнүн тарыхы кафедрасынын лаборанты.