2023-жылдын 28-апрелинде Юридикалык институттун Г.Гросс атындагы окуу-инновациялык криминалистикалык комплексинин базасында сот адилеттиги, прокурордук жана укук коргоо ишмердүүлүгү факультети менен криминалистика жана соттук экспертизалар кафедрасы тарабынан криминалистика боюнча илимий-практикалык олимпиада өткөрүлдү. Мелдешке юрист студенттерден (тергөөчүлөр, криминалисттер), соттук эксперттерден жана Аскер институтунун курсанттарынан турган 5 команда катышты. 8 сынактан турган Олимпиаданын жүрүшүндө командалар криминалистика боюнча билимди талап кылган "Манжа изин алуу (кол издери)", "Соттук баллистика (ок атуучу куралдар)", Габитоскопия (Фоторобот)", "Жасалма документтерди аныктоо", "Криминалистикалык маселелерди чечүү, тинтүү жүргүзүү" ж.б. тапшырмаларды аткарышты.

Олимпиаданын калыстар тобун сот органдарынын өкүлдөрү, тергөөчүлөр, соттук-эксперттик жана криминалистика ардагерлери түздү.

ЖОЖдор аралык олимпиаданын жыйынтыгы, командалардын байгелүү орундары: 

1-орунду Дельта 5

2-орунду 7×62

3-орунду План Б

командалары ээледи

Бардык катышуучулар жана жеңүүчүлөр дипломдор, ыраазычылык каттары жана баалуу белектер менен сыйланышты. 

Иш-чара криминалистиканын тарыхына, учурдагы абалына, өнүгүү келечегине болгон кызыгууну арттыруу; КУУнун, КР Куралдуу Күчтөрүнүн Аскер институтунун ж.б. профессордук-окутуучулук курамынын өкүлдөрүнүн бириктирүү, КР Куралдуу Күчтөрүнүн Аскер институтунун, КУУнун, бүтүрүүчүлөрүнүн кесиптик деңгээлин жогорулатуу, курсанттарды жана студенттерди шыктандыруу максатында өткөрүлдү.

Аскат Советбеков