2023-жылдын 2-майында география, экология жана туризм факультетинин экология жана жаратылышты пайдалануу кафедрасынын профессордук–окутуучулар тарабынан уюштурулган “Жаштардын экологиялык билимин ɵркүндɵтүү максатында эл аралык конвенциялардын принциптерин үйрɵнүү” деген темада тегерек стол ɵткɵрүлдү. Иш-чарага Кыргызстандагы Орхусс борборунун директору Нурбеков Адил мырза катышып “Кыргыз Республикасында иштеп жаткан эл аралык конвенциялар, келишимдер жана токтомдор” тууралуу кызыктуу баяндама жасады. Ал Кыргызстан мүчɵ болгон 13 конвенциянын ар бирине токтолуп, алардын мааниси жана биздин ɵлкɵдɵ аткарылышы жɵнүндɵ кеӊири айтып берди. Жогоруда айтылган конвенциялардын бири болгон Орхусс конвенциясы, алардын аткарган иштери жана келечектеги аткара турган пландары тууралуу маалымат берип, бул багытта экология жана жаратылышты пайдалануу кафедрасы менен кызматташтыкты уланта бере тургандыгын белгиледи.

Ошондой эле Кыргызстандагы Орхусс борбору тарабынан даярдалган “Курчап турган чɵйрɵнү коргоо багытындагы укуктук нормативдик актылар” деген кɵлɵмдүү 4 томдон турган китепти факультетке белек кылышты.

Борбордук Азиядага региондук экологиялык борбордун Кыргызстандагы филиалынын  директору Матраимов К.М. “Кыргыз республикасындагы региондук экологиялык борбордун ишмердүүлүгү” жɵнүндɵ жана “Климаттын ɵзгɵрүүсү боюнча Жашыл Альянс” кыймылынын жаштар канатынын эксперти Жанузакова Бегайым жаштардын экологиялык маселелерди чечүү жаатындагы ролу жɵнүндɵ онлайн түрүндɵ кызыктуу маалыматтарды айтып, катышуучулар тарабынан берилген суроолорго жооп беришти.

Тегерек столдун аягында география, экология жана туризм факультетинин деканы Рыскүл Алманбаевна Токторова жана экология жана жаратылышты пайдалануу кафедрасынын башчысы Н.К. Тенирбердиев, ага окутуучу Ж.К. Чунгулов бул жыйынга келип кызыктуу маек куруп берген конокторго жалпы факультеттин жана катышып отурган студенттердин атынан ыраазычылык билдиришип, мындан ары да кызматташтыкты ɵкүндɵтɵɵлү деген ойлорун айтышып, иштерине ийгилик каалашты.