2023-жылдын 28-апрель күнү башкы имараттагы чоң жыйындар залында Жаштар саясаты жана спорт департаменти тарабынан "Ректордун кубогун" жеңип алуу үчүн "Тамашоу" оюну өткөрүлдү. Университеттин студентеринин ынтымагын бекемдөө максатында уюштурулган иш-чараны аталган департаменттин директору Кадыр уулу Алмазбек ачып, таймашка журналистика жана коммуникация институтунун «4 красавчик 1 Арген», 7-жатакананын «7-жатакана», кесиптик колледждин «КеФФтеме" жана кыргыз филологиясы факультетинин «Кара каштар» командалары катышып жатканын билдирди жана аларга ийгилик каалады. Калыстар тобунун курамына жаштар саясаты жана спорт департаментинин директору Кадыр уулу Алмазбек, театр жана кино актёру Жылдызбек Касейинов жана актёр, сценарист Нуркул Адылбеков кирди.

Төрт саатка жакын созулган оюндун жүрүшүндө командалар кызыктуу оюн көрсөтүшүп, көрүүчүлөр студенттердин ар кырдуу талантына күбө болушту. Калыстар тобунун чечими менен "Ректордун кубогу" журналистика жана коммуникация институтунун «4 красавчик 1 Арген» командасына ыйгарылды, 2-орунга «7-жатакана» командасы ээ болуп, 3-орунду кесиптик колледждин «КеФФтеме командасы багындырышты, 4-орунга кыргыз филологиясы факультетинин «Кара каштар» командасы ээ болду.

Жеңишке жетишкен командаларга тиешелүү даражадагы дипломдор жана атайын сыйлыктар тапшырылды. 

Иш-чараны КВН боюнча КУУнун «Когучкон house» курама командасынын капитаны Ашымов Раушан алып барды.