2023-жылдын 12-апрель күнү математика жана информатика факультетинин академик А.А.Бөрүбаев атындагы алгебра, геометрия, топология жана жогорку математиканы окутуу кафедрасында болуп өткөн илимий-методикалык семинарда педагогика илимдеринин кандидаты, доцент Мунапысова Гульнара Ташматовна “Педагогикалык практиканын шартында студенттердин проекттик ишмердүүлүгү” темасында илимий доклад жасады. Баяндамада болочок математика мугалимдеринин чыгармачыл потенциалын өнүктүрүүгө, изилдөөчүлүк компетенцияларын калыптардырууга өзгөчө көңүл бурулуп, студенттердин таанып билүүнүн жалпы жана атайын методдору жана аларды математиканы окутууда колдонуунун мыйзам ченемдүүлүктөрү тууралуу кеңири түшүнүккө ээ болушун камсыз кылуу зарыл экендиги белгиленди.

Аталган маселени чечүү студенттердин илимий изилдөө иштерин бирдиктүү системасынын алкагында жүргүзүлүп, өзгөчө педогогикалык практиканын шартында болочок математика мугалимдеринин проекттик ишмердүүлүгүн уюштуруунун эффективдүү формаларына жана ыкмаларына маани берилген. Проекттик тапшырмага мисал катары, изилдөө элементтерин камтыган геометрия боюнча динамикалык маселенин мультимедиялык каражаттарды колдонуп чыгаруу, башкача айтканда GeoGebra Classic программасынын жардамы менен көп грандык фигуралардын кесилиштерин түзүү, изилдөөдө анимациялык эффектерди колдонуунун ыкмасын иштеп чыгуу каралган.

Иш-чаранын соңунда жыйындын катышуучулары Гульнара Мунапысованын жасаган баяндамасы боюнча оң пикирлерин айтышып, Мамлекеттик тил боюнча улуттук комиссиянын “Ардак грамотасынын” ээси болушу менен чын жүрөктөн куттукташты жана мындан аркы иштерине албан-албан чыгармагыл ийгиликтерди каалашты.

Бактияр Рахманкулов - тарбия иштери боюча декандын орун басары, ф.м.и.к., доцент