Мамлекеттик тилди КУУда жайылтуу жана мамлекеттик тил аркылуу билим берүүнүн сапатын жогорулатуу максатында жыл сайын окуу жылынын аягында ѳткѳрүлүүчү мониторинг уланууда. 2023-жылдын 10-апрелинде мамлекеттик тил жана социалдык иштер боюнча проректор, мониторинг жүргүзүү боюнча комиссиянын тѳрагасы Садык Алахан баштаган комиссия тарабынан журналистика жана коммуникация институтунун кафедраларынын ички иш кагаздары, жумушчу программалары, ОМК, протоколдору жана илимий иштер каралды.  Жалпысынан алганда, кафедралардын иш кагаздары мамлекеттик тилде жазылып жатканы байкалды. Институттун эки кафедрасы иш кагаздарын, жумушчу программаларын жакшы деңгээлде даярдаганын кѳрсѳтүштү. Жарнама жана коомчулук менен байланыш кафедрасы кийинкиге калтырылды.

11-апрель күнү экономиканын жогорку мектебине караштуу кафедраларда протоколдор, ОМКлар мамлекеттик тилде жүргүзүлүп жатканын байкоого болот. Жумушчу программалар бардык кафераларда 2022-2023–окуу жылына даярдалган макет менен жаңыланган. Экономиканын жогорку мектебинде иш кагаздары мамлекеттик тилде жүрүп жатканын,  профессордук-окутуучулар курамы жигердүү иштеп жатканы кѳрүнүп турду.

12-апрелде комиссия мүчөлөрү И.Ч.Исамидинов атындагы педагогикалык кадрларды максаттуу даярдоо институтунда болушту. Институтта ОМК, жумушчу программалар, протоколдор  кыргыз тилинде жазылган. Жумушчу программалар  жаңы үлгү менен даярдалган. Билдирүү, студенттер менен болгон ички иш кагаздар мамлекеттик тилде жазылып, бүтүрүүчүлѳрдүн квалификациялык иштери мамлекеттик тилде корголуп жатканы байкалды.  Институттун кафедралары иш кагаздарын жогорку деңгээлде алып барып жатканын жана кафедралардын ички көрүнүштөрү талапка жооп берээрлик деңгээлде жасалгаландыгын белгилѳѳгѳ болот.

Эскерте кетсек, аталган мониторинг ректордун буйругу менен бекитилген атайын график боюнча окуу жайдын бардык түзүмдѳрүндѳ ѳткѳрүлүүдө.

Динара Мырзагулова - мамлекеттик тил секторунун башчысы