2023-жылдын 5-апрель күнү Улуттук университетте улуу жазуучу, Кыргыз Республикасынын Эл баатыры Чыңгыз Айтматовдун 95 жылдыгына арналган мамлекеттик тил боюнча VII студенттик олимпиада болуп ѳттү. Иш-чарага окуу жайдын 1-2-курсунда окуган студенттер катышты. Олимпиаданын жобосуна ылайык, жыйынтыктоочу таймашка ар бир факультеттен алдын ала тандоодон ѳткөн 3төн студент катышып, "Дил баян жазуу", "Долбоор коргоо" жана "Сахналаштырылган композиция" номинациялары боюнча ат салышты.

Олимпиаданы атайын түзүлгѳн калыстар тобу баалады. Калыстар тобунун курамы:  

• Мурзалиева Зина Качековна - калыстар тобунун тѳрайымы, Кыргыз Билим берүү академиясынын жетектѳѳчү адиси, п.и.к., доцент.
• Кадырмамбетова Айнура Күмѳновна - калыстар тобунун мүчѳсү, Чынгыз Айматов атындагы УИАнын тил жана адабият институтунун башкы илимий кызматкери, ф.и.д.
• Сабралиева Айгерим Сабралиевна - калыстар тобунун мүчѳсү, КР Президентине караштуу Мамлекеттик тил жана тил саясаты боюнча улуттук комиссиянын жетектѳѳчү адиси.
• Мырзагулова Динара Кулмаматовна - калыстар тобунун мүчѳсү, Ж.Баласагын атындагы КУУнун мамлекеттик тил секторунун башчысы.
• Осмоналиев Марсбек Амангазиевич - И.Арабаев атындагы  Кыргыз мамлекеттик университетинин чыгыш таануу жана эл аралык мамилелер факультетинин доцентинин милдетин аткаруучу, ф.и.к.

Жыйынтыгында жеңүүчүлѳр аныкталды.

Дил баян жазуу боюнча:

1- орун: Кубатбекова  Рахима - биология факультети. 1-даражадагы диплом жана акчалай сыйлык менен сыйланды.

2-орун: Барктабасова Бермет - эл аралык мамилелер жана чыгыш таануу факультети. 2-даражадагы диплом жана баалуу белек менен сыйланды.

3-орун: Саадабекова Айназик - математика жана информатика факультети. 3-даражадагы диплом жана баалуу белек менен сыйланды.

Долбоор коргоо боюнча:

1-орун: Токмокова Малика - кыргыз-европа факультети. 1-даражадагы диплом жана акчалай сыйлык менен сыйланды.

2-орун: Тынарбекова Айнуска - биология факултети. 2-даражадагы диплом жана  баалуу белек менен сыйланды.

3-орун: Нурланбекова Мираида - экономика факультети. 3-даражадагы диплом жана  баалуу белек менен сыйланды.

Сахналаштырылган композицияга катышкан 7 факультеттин студенттери жогорку деңгээлде болуп, баш байге эл аралык мамилелер жана чыгыш таануу факультетине ыйгарылып, 1-даражадагы диплом жана акчалай сыйлык менен сыйланды.

Калган 6 факультеттин студенттери мыкты  деңгээлдеги композицияны кѳрсѳткѳндѳгү үчүн атайын Университеттин ыраазычылык каты менен сыйланышат. Белгилей кетүүчү нерсе, сахналаштырылган композицияны баалоодо калыстар тобу катышкан 7 факультеттин студенттерине бирдей орун ыйгарып, катышуучуларынын саны жана формасына карата эл аралык мамилелер жана чыгыш таануу факультетинин студенттерине артыкчылык берди жана аларды баш байгеге кѳрсѳтүштү.

Динара Мырзагулова - мамлекеттик тил секторунун башчысы