2023-жылдын 28-март күнү математика жана информатика факультетинин активист студенттери Аламүдүн районундагы Маевка жалпы билим берүү орто мектебинин директору Өмүрбек Алымкожоев жана мектеп жамааты менен жолугушту. Иш-чаранын жүрүшүндө декандын тарбия иштери боюнча орун басары Бактияр Рахманкулов Өмүрбек Алымкожоевдин көп жылдан бери КУУда үзүрлүү эмгектенип келгендиги, анын педагогикалык жана илимий ишмердүүлүгү өз жемишин бергендиги тууралуу айтып, бүгүнкү жолугушуу студенттер үчүн өрнөк боло тургандыгын баса белгиледи жана Өмүрбек Алымкожоевдин жетекчилик ишине ийгилик каалап, салт боюнча ак калпак кийгизип, аталган мектептин мындан ары да өркүндөшүнө өз салымын кошуп, ак кызмат кылуусуна тилектештигин билдирди.

Мектеп директору Өмүрбек Алымкожоев мектептин тарыхы, коллективи, мектеп окуучуларынын областтык жана республикалык олимпиадалардагы ийгиликтери тууралуу кеңири маалымат берип, Кыргыз Республикасынын эл мугалими Зырянова Антонида Николаевна тарых сабагынан окуучуларга билим берип келе жатканы тууралуу сөз кылды.

Жолугушуунун аягында факультет активистери Өмүрбек Алымкожоевке жылуу тосуп алып, кызыктуу пикир алышуу мүмкүнчүлүгүн түзгөндүгү үчүн ыраазылык билдирип, чың ден соолук жана чыгармачыл ийгиликтерди каалашты жана 28-мартта белгиленүүчү Бүткүл дүйнѳлүк тарыхчылар күнү менен куттукташты.

Өрнөк алуу максатында өткөрүлгөн бул иш-чара мындан кийин да уланып, каалоочуларды чакырабыз.

Белгилеп кетчү нерсе, тарых илимдеринин кандидаты Өмүрбек Алымкожоев 2019-2022- жылдары КУУнун тарых жана чөлкөм таануу факультетинин окуу иштери боюнча декандын орун басары, Азия жана Африка өлкөлөрүнүн тарыхы кафедрасынын ага окутуучусу болуп иштеген.

Жолдубаев Бектур – факультеттин студенттик кеңешинин тѳрагасынын орун басары