2022-жылдын 25-26-май күндөрү башкы имараттагы чоң жыйындар залында Окумуштуулар кеңешинин кезектеги отуруму болуп, анда Улуттук университеттин факультеттеринин жана факультеттер аралык кафедралардын профессордук-окутуучулук курамын шайлоолор өткөрүлдү. Жыйындын башында окуу иштери боюнча проректор Бекжан Темиров өзү жетектеген конкурстук комиссиянын ишинин жыйынтыгы тууралуу баяндама жасап, окумуштуу катчы Гүлзыйнат Аркабаева шайлоону өткөрүүнүн жана добуш берүүнүн тартиби жөнүндө айтып берген соң, бир нече эсептөө комиссиялары түзүлүп, мурдатан түзүлгөн график боюнча шайлоолор башталды.

Отурумдун жүрүшүндө мамлекеттик тил жана тарбия иштери боюнча проректор Садык Алахан 31-майда белгиленүүчү Университеттин күнүнө карата окуу жайдын сыйлыктарына сунушталган талапкерлер жөнүндө маалымат берди. Сыйлыктар боюнча комиссиянын чечими Окумуштуулар кеңешинин мүчөлөрү тараптан колдоо тапты.

25-майда өткөн шайлоолодун жыйынтыгында юридика факультетинин жарандык, эмгек жана экологиялык укук кафедрасы менен жазык процесси жана соттук экспертиза кафедрасынын, 26-майда өткөн шайлоолордун жыйынтыгы боюнча факультеттер аралык чет тилдер кафедрасынын ага окутуучулук кызмат орундарына кайрадан конкурс жарыяланмай болду. 

Шайлоодон өткөн профессордук-окутуучулук курамдын тизмеси ректор тиешелүү буйрукка кол койгондон кийин жарыяланат.

25.05.2022 (09.00 - 19.30)

* * *

26.05.2022 (09.00 - 21.00)

* * *