2022-жылдын 9-февралында М.В.Ломоносов атындагы Москва университетинин Азия жана Африка өлкөлөрү институту, Мирзо Улукбек атындагы Өзбекстан улуттук университети, Ташкент мамлекеттик Чыгыштаануу университети, Мамлекеттик Чыгыш музейи биргеликте Россиядагы Азербайжан Республикасынын элчилигинин, Россиядагы Өзбекстан Республикасынын элчилигинин, Россиядагы Гейдар Алиев фондунун өкүлчүлүгүнүн жана Эл аралык Түрк академиясынын колдоосу менен “От Низами до Навои: времен связующая нить” аттуу эл аралык илимий-практикалык конференцияны онлайн форматта өткөрүштү.

Конференциянын ачылышында Азия жана Африка өлкөлөрү институтунун директору, тарых илимдеринин доктору, профессор А.А.Маслов, Россиядагы Азербайжан Республикасынын элчиси Полад Бюлбюль оглы, Россиядагы Өзбекстан Республикасынын элчиси Б.З.Асадов, Евразия элдеринин Ассамблеясынын Генералдык Секретариатынын жетекчиси, Россия Федерациясынын Президентинин алдындагы улуттар аралык мамилелер кеңешинин мүчөсү, саясий илимдеринин доктору С.К.Смирнова, Эл аралык Түрк академиясынын президенти, тарых илимдеринин доктору Казакстан Республикасынын илимдер академиясынын академиги Д.К.Кыдырали, Ташкент мамлекеттик Чыгыштаануу университетинин ректору Г.Ш.Рихсиева куттуктоо сөздөрүн айтышып, конференциянын жүрүшүнө ийгилик каалашты.

Пленардык жыйында Россия илимдер академиянын А.М.Горький атындагы дүйнөлүк адабият институтунун илимий жетечиси А.Б.Куделин, Азербайжан илимдер академиясыны вице-президенти, академик, Низами Гянджеви атындагы адабият институтунун директору, ф.и.д., профессор Габиббейли Иса Акпер оглы, М.В.Ломоносов атындагы Москва мамлекеттик университетинин Казахстандагы филиалынын директорунун орун басары Абдильдина Раушан Жабайхановна ж.б. доклад окушту.

Конференцияга Америка, Улуу Британия, Франция, Бразилия, Португалия, Россия, Түркия, Пакистан, Кабарда-Балкария, Азербайжан, Казакстан, Кыргызстан, Өзбекстан, Тажикстандан окумуштуулар катышты.

Пленардык жыйындан соңунда "Низаминин ырларын окуйбуз" аттуу мурда даярдалган поэтикалык челлендж видеоролиги көрсөтүлдү. Мен анда Низаминин "Жети сулуу" поэмасынан үзүндүнү Э.Эрматовдун котормосунда кыргызча окугам.

Иш-чаралар 4 секцияда уланды. Конференцияда окумуштуулардын ортосундагы илимий-практикалык баарлашуу абдан жандуу өттү. Докладдар окумуштуулар тарабынан кызыгуу менен кабылданды жана кызуу талкууланды.

Гүлжамал Жаманкулова 3-секцияда модераторлук ишти аткарды (Д.А.Пулатова, Э.М.Иззетова менен биргеликте) жана «Низами Гянджеви и влияние его творчества на развитие восточной литературы» дегентемада доклад-презентация жасады.

Гүлжамал Жаманкулова - кыргыз тил илими кафедрасынын профессору