2022-жылдын 25-январында Асанбек Табалдиев атындагы социо-маданий  социологиялык изилдөөлөр борборунда “Кыргыз коомун социалдык туруксуздуктардын шарттарында чыңдоонун социалдык технологиялары: жаштар мисалында” деген темада фокус–топтук тегерек стол болуп өттү. Иш чарада жаштардын коомдогу көйгөйлөрү талкууланып, өлкөдөгү социалдык-экономикалык жана маданий  маселелердин коомдун социалдык абалына тийгизген таасирлери эске алынышы керектиги айтылды.

Саясий кырдаалдагы кайчы пикирлер кызуу талкууну жаратып, жаштардын саясатка болгон активдүү жана адекваттуу баалары белгиленди. Муну менен биргеликте патриоттуулук маселелери көтөрүлүп, кыргыз журтун толуктоого толук акылары бар кайрылмандар тууралуу ой-жүгүртүүлор болду. 

Фокус –топтук тегерек столдун катышуучуларын Ленин райондук  социалдык өнүктүрүү башкармалыгынын үй-бүлө жана балдарды коргоо бөлүмүнүн жетектөөчү адиси Тажибаев Канзаман, Биринчи май райондук социалдык өнүктүрүү башкармалыгынын социалдык кызматкери Имаш уулу Даулет, социология жана социалдык иштер кафедрасынын лаборанты Талантбек  кызы Тунук, жеке ишкер Рашитова Асель, социалдык-гуманитардык илимдер факультетинин социалдык кызматкер адистигинин студенттери Мунарбек уулу Иман, Курманбек кызы Мирзат жана башкалар  толуктады.

Айта кетсек, мындай изилдөө КМУ тарабынан каржыланып, социалдык-гуманитардык илимдер факультетинин алдындагы А.Табалдиев атындагы социо-маданий изилдөө борбору тарабынан жүргүзүлөт.

Берилген гранттын суммасы - 218 000 сом. Анын ичинен изилдөөгө керектүү техникалык каражаттарга бөлүнгөн сумма (SPSS программасын орноштуруу үчүн компьютер, планшет жана диктофон) - 155 000 сом. Техникалык каражаттар берилери менен изилдөө Кыргызстандын баардык аймактарында уланат.

Изилдөөнүн максаты - кыргыз коомундагы социомаданий өзгөрүүлөрдүн ынтымактуулукка, туруктуулукка тийгизген таасирлерин изилдөөдө социалдык технологияларды колдонуу шарттарын жаштардын мисалында изилдөө. Долбоордун милдети коюлган максатты ишке ашыруу жана талдоо. Саясий процесстердин жаштарга тийгизген таасирин аныктоо жана коомдогу биримдикти, ынтымактуулукту жана туруктуулукту камсыз кылууда жаштардын ордун карап чыгуу. Асанбек Табалдиев атындагы социомаданий изилдөө борборунун жана социалдык иш кафедрасынын мүчөлөрү ишке ашырат.  

Долбоорго катышуучулардын саны: 6. Анын ичинде жетекчи – А.Табалдиев атындагы социомаданий изилдөө социологиялык борборунун башчысы Шайылдаева А.К., тең-жетекчи – «Социология жана социалдык иш» кафедасынын башчысы Жусубалиев А.Р., аткаруучулар – Усубалиева А.А., Матиев Б.Т., Талантбек к Т., Токоева Н.Б.

Токоева Н. - социолог-инженер