2021-жылдын 17-декабрында педагогика факультетинин МЧМПжББТ кафедрасынын ага окутуучусу А.С.Жуматаева USAIDдин  «Окуу Керемет!» долбоорунун алкагында Чүй облусу жана Бишкек шаары боюнча башталгыч класстардын мугалимдеринин жана окуу бөлүм башчыларынын кластердик жолугушуулар кербенининде ачык сабак өттү. Иш чара Бишкек шаарындагы №96 жалпы билим берүү мектебинде уюштурулуп, республиканын бир нече аймактарынан эксперттер ачык сабактарга катышып, сабактарга болгон анализдерин беришти.

А.С.Жуматаева “Башталгыч класста чыгармачыл жазууга үйрөтүүдө RACE стратегиясын колдонуу” темасында Ж.Баласагын атындагы КУУнун педагогика факультетинин, Т.Эрматов атындагы музыкалык-педагогикалык колледждин жана И.Арабаев атындагы КМУнун педагогикалык колледжинин 3-курс студенттерине ачык сабак өттү. Сабак үч бөлүктөн туруп, ар бир бөлүктө окуу жайлардын студенттери жана эксперттер алмашылып турду. Колдонулган көргөзмө куралдар, сабактын структурасы, колдонулган ыкма, сабактын максаты жана күтүлүүчү натыйжалар талапка ылайык денгээлде жүргүзүлдү. Ачык сабактын жыйынтыгында эксперттер тарабынан позитивдүү анализдер берилди. Азыркы күндө ушул сыяктуу жаӊы стратегияларды колдонуу менен болочок мугалимдерди даярдоо Кыргыз Республикасынын билим берүү системасына чоң салымын кошот деген пикирлерин билдирүү менен, студенттерге жана окутуучуга ийгиликтерди каалашты.

Назарбекова Б.Ж. - МЧМПжББТ кафедрасынын ага окутуучусу