КР Жазуучулар жана Журналисттер союздарынын мүчөсү, КР Жаштар жана СССР Журналисттер союзунун сыйлыктарынын, “Даңк” медалынын ээси, жазуучу, публицист, көптөгөн чыгармалардын автору, КР Маданиятына эмгек сиңирген ишмер, КУУнун журналистика факультетинин басма сөз кафедрасынын профессорунун м.а. Абдиламат Матисаков “КУУнун ардактуу профессору” наамына ээ болду.

Факультеттин жамааты агайдын бул жогорку наамга ээ болушу менен куттуктайт. Улуттук университеттин, кыргыз элинин аброюн бийик көтөрүп жүрө бериңиз! Сизге дагы да чыгармачылык дарамет, илимде бийиктиктерди багынта беришиңизге тилектешпиз. Өмүрүңүз узун, ден-соолугуңуз бекем болсун!

Материалды даярдаган:

Жылдыз Туратбекова - журфактын пресс-борборунун кызматкери